特別來賓 - 小野兔

尋日食完飯之後, 一如以往地坐係客廳上網睇下Facebook做下其他野. 突然間又聽到小Lilo係度"woo woo woo", 我心諗應該又係有其他人係度行過又或者係隔離屋剛剛返黎泊好車吧. 咁就慢慢地起身走去check吓到底發生乜事. 行到去門口既時候, 又見唔到有乜特別. 家姐都走埋過黎睇吓發生乜事, 之後家姐話我知原來我地門口對出有一隻小野兔係度呢. 由於我未係附近見過小野兔既關係, 所以就立即去拎我既相機影低呢一刻. 而小Lilo就坐係度睇住隻小野兔直到佢走為止.